აშშ-ის არმიამ სირიაში "ისლამური სახელმწიფოს" ობიექტებზე მიიტანა იერიში

აშშ-მა მოკავშირეებთან ერთად მასშტაბური დარტყმები განახორციელა ტერორისტული ჯგუფის, "ისლამური სახელმწიფოს" ობიექტებზე სირიაში - იუწყება აშშ-ის შეიარაღებული ძალების ცენტრალური სარდლობა. აშშ-ის პრეზიდენტმა, დონალდ ტრამპმა დარტყმებზე ნებართვა 10 იანვარს გასცა. როგორც სარდლობის განცხადებაში ვკითხულობთ, იერიში განხორციელდა ფარგლებში ოპერაციისა "ქორის დარტყმა", რომელიც პასუხი იყო 13 დეკემბერს ჯიჰადისტთა მხრიდან თავდასხმაზე სირია-ამერიკის პატრულზე პალმირაში. იმ თავდასხმას ემსხვერპლა სამი ამერიკელი - ორი სამხედრო და ერთი თარჯიმანი, სამოქალაქო პირი. აშშ-ის სარდლობა აცხადებს, რომ შაბათს განხორციელებული დარტყმების მიზანია ტერორიზმთან ბრძოლა და აშშ-ის და მისი მოკავშირეების სამხედროთა დაცვა რეგიონში. "ჩვენი შეტყობინება მკაფიო რჩება - თუ ჩვენს სამხედროებს ზიანს მიაყენებთ, ჩვენ მსოფლიოს ნებისმიერ წერტილში გიპოვით და მოგკლავთ, როგორი ძალისხმევითაც უნდა ცდილობდეთ დაემალოთ სამართალს" - წერია განცხადებაში. ოპერაციის ფარგლებში ამერიკელმა სამხედროებმა და მათმა მოკავშირეებმა გაუშვეს 90-ზე მეტი მაღალი სიზუს...