არსენალის მთის დღე და ღამე - ფიროსმანიდან "სამთავრობო ქალაქამდე"

ზუსტად ათი წლის წინ, 2015 წელს, ნიკო ფიროსმანის ცნობილი ნახატი „არსენალის მთა ღამით“, რომელიც დიდხანს მიიჩნეოდა დაკარგულად, "ქართული ოცნების" დამფუძნებელმა, ბიძინა ივანიშვილმა კრისტის აუქციონზე 962 000 ფუნტ სტერლინგად იყიდა და ეროვნულ მუზეუმს გადასცა საჩუქრად. ათი წლის შემდეგ, ამ მთაზე "ქართულმა ოცნებამ" "სამთავრობო ქალაქის" გაშენება მოინდომა. რისთვის და რატომ სჭირდება მთავრობას ეს და აქვს თუ არა სახელმწიფოს იმის ფუფუნება, რომ ბიუჯეტის ფულით ააშენოს რაღაც იმის მსგავსი, რაც წლების წინ თბილისის მერის, კახა კალაძის კომპანიას უნდა გაეკეთებინა? 2025 წლის 10 დეკემბერს ცნობილი გახდა, რომ „ქართული ოცნების“ პრემიერ-მინისტრმა ირაკლი კობახიძემ მუნიციპალური განვითარების ფონდს დაავალა არსენალის მთაზე სამთავრობო შენობების გადატანის შესაძლებლობის შესწავლა. 2025 წლის 4 აგვისტოს კობახიძემ მოაწერა ხელი განკარგულებას, რომლითაც MDF-ს დაავალა, შეისყიდოს მომსახურება სამთავრობო ქალაქის მშენებლობისათვის საჭირო დეტალური საპროექტო-სახარჯთაღრიცხვო დოკუმენტაციის მოსამზადებლად. 9 დეკემბერს მუნიციპალური განვით...