„არ არსებობს ეტიკეტი, რომ ვერ ვამზადებდეთ - გაამართლა ჩვენმა ინვესტიციებმა, გავხდით უფრო მოქნილები და სწრაფები“ - „კოლორპაკი“

„გაამართლა ჩვენმა ინვესტიციებმა, გავხდით უფრო მოქნილები, სწრაფები და დარწმუნებული ვარ, ჩვენი მომხმარებელიც ამას უკვე გრძნობს“, - ამის შესახებ „კოლორპაკის“ კომერციულმა დირექტორმა მარიამ მუხიგულმა „პალიტრანიუსის“ გადაცემაში „დილის მონეტიზაცია“ განაცხადა, სადაც გასული წლის შედეგები შეაჯამა და მომავალი წლის გეგმებზეც ისაუბრა. მისი თქმით, კომპანიისთვის 2025 წელს სიახლე იყო ექსპორტზე გასვლა, რა მიმართულებითაც, ჯამში 2 მლნ-მდე რეალიზაცია დააგენერირა. „2025 წელი ნამდვილად მასშტაბური და ზრდაზე ორიენტირებული წელი იყო „კოლორპაკისთვის“. პირველ რიგში, ტექნოლოგიური განვითარების, რა მიმართულებითაც საკმაოდ დიდი მოცულობის ინვესტიციები ჩაიდო. ვფიქრობ, გაამართლა ჩვენმა ინვესტიციებმა, გავხდით უფრო მოქნილები, სწრაფები და დარწმუნებული ვარ ჩვენი მომხმარებელი ამას უკვე გრძნობს, რადგან დეკემბერში, როდესაც ყველაზე რთული პერიოდია და საახალწლო შეკვეთები საკმაოდ ბევრია, წარმატებულად გავართვით თავი. ზოგადად, 2025 წელი რომ შევაფასო, ექსპორტის მიმართულება იყო ჩვენთვის ახალი სიტყვა. დაახლოებით, 2 მლნ-მდე რეალიზაცია...