აფხაზეთიდან რუსეთში შარშანდელზე ნაკლები მანდარინი, ხოლო ხურმა და ლიმონი ორჯერ მეტი შევიდა

ოქტომბერში ციტრუსის სეზონის დაწყებიდან აფხაზეთიდან რუსეთში, თითქმის, 20 000 ტონა მანდარინი შევიდა, მაშინ, როცა გასული წლის ანალოგიურ პერიოდში ეს მოცულობა 24 883 ტონას შეადგენდა. მონაცემებს აფხაზეთის დე ფაქტო სახელმწიფო საბაჟო კომიტეტის პრესსამსახური ავრცელებს. მანდარინისგან განსხვავებით, წელს რუსეთში ექსპორტირებული ლიმონისა და ხურმის მოცულობა შარშანდელზე, თითქმის, ორჯერ მეტია. კერძოდ, ხურმის ექსპორტმა, 2024 წლის 248 ტონასთან შედარებით, წელს 500 ტონა შეადგინა. რუსეთში უკვე 598 ტონა ლიმონი შევიდა, მაშინ, როცა 2024 წელს მისი ექსპორტი 305 ტონას შეადგენდა. რაც შეეხება ფეიხოას, მისი ექსპორტი 1 264 ტონას შეადგენს, რაც 2024 წელთან შედარებით 169 ტონით მეტია. აფხაზეთის დე ფაქტო სოფლის მეურნეობის სამინისტრო სეზონის ბოლომდე 33 000 ტონა მანდარინის ექსპორტს პროგნოზირებს, რაც 2024 წელთან შედარებით 19%-ით ნაკლებია. ამან მოთხოვნა გაზარდა და მიწოდება კილოგრამზე შარშანდელი 40-50 რუბლიდან 80-100 რუბლამდე (0.50-0.62-დან 1-1.25 დოლარამდე) გააძვირა. აფხაზეთში ციტრუსის სეზონი ოქტომბრიდან მარტამდე გრძელდ...