ანდრეი სიბიგა - უკრაინის წინააღმდეგ რუსეთის სრულმასშტაბიანი ომი იმაზე მეტხანს გრძელდება, ვიდრე მეორე მსოფლიო ომი გაგრძელდა - რუსეთმა უკრაინაში ვერცერთ სტრატეგიულ მიზანს ვერ მიაღწია

რუსეთის სრულმასშტაბიანი ომი უკრაინის წინააღმდეგ იმაზე მეტხანს გრძელდება, ვიდრე ნაცისტურ მესამე რაიხსა და სსრკ-ს შორის 1941–1945 წლების ომი გაგრძელდა - 1418 დღე, - ამის შესახებ უკრაინის საგარეო საქმეთა მინისტრი ანდრეი სიბიგა სოციალურ პლატფორმა X-ზე წერს. „რუსეთმა უკრაინის მიწაზე ჩაიდინა სისასტიკე, რომელიც მეორე მსოფლიო ომის შემდეგ უპრეცედენტო მასშტაბისა და სისასტიკის არის. თუმცა, მან ვერ შეძლო უკრაინის ან ჩვენი ხალხის სულისკვეთების გატეხვა“, - აცხადებს სიბიგა. მისი ინფორმაციით, ამ პერიოდის განმავლობაში რუსეთმა ვერ მიაღწია თავისი აგრესიის ვერცერთ სტრატეგიულ მიზანს. „ამის ნაცვლად, მან განიცადა უზარმაზარი დანაკარგები, 1.2 მილიონზე მეტი მოკლული და დაჭრილი ჯარისკაცისა და სამხედრო აღჭურვილობის უზარმაზარი დანაკარგების სახით“, -აცხადებს სიბიგა. მისი თქმით, რუსეთი ზამთრის შუაგულში ტერორის ესკალაციას ახდენს უკრაინის წინააღმდეგობისა და საერთაშორისო ერთიანობის შელახვის მიზნით. „ახლა ზუსტად შესაფერისი დროა, რომ მოსკოვზე ზეწოლა გაიზარდოს დამატებითი მკაცრი სანქციებით და უკრაინისთვის გაძლიერებული...