ამერიკელი სენატორები აკრიტიკებენ ტრამპის მხრიდან გრენლანდიის გამო ტარიფებით მუქარას

აშშ-ის სენატის უმცირესობის ლიდერმა ჩაკ შუმერმა განაცხადა, რომ მისი პარტია წარადგენს კანონპროექტს, რომელიც ტარიფებს დაბლოკავს, სანამ ისინი ამერიკის ეკონომიკასა და მის მოკავშირეებს ევროპაში კიდევ უფრო მეტ ზიანს მიაყენებენ. განცხადება გააკეთეს სენატის ნატოს მონიტორინგის ორპარტიული ჯგუფის თანათავმჯდომარეებმაც. დემოკრატმა სენატორმა ჯინ შაჰინმა და რესპუბლიკელმა სენატორმა ტომ ტილისმა ერთობლივად განაცხადეს ტარიფების მუქარასთან დაკავშირებით, რომ ასეთი რიტორიკა ეხმარება ისეთ მოწინააღმდეგეებს, როგორებიც არიან "რუსეთის პრეზიდენტი პუტინი და ჩინეთის პრეზიდენტი სი ძინპინი, რომლებსაც ნატოს დაშლა სურთ. „ჩვენი მოკავშირეები უკეთესს იმსახურებენ“, - აცხადებენ სენატორები. ტილისმა X-ზე დაწერა, რომ ტრამპის რეაქცია „ცუდია ამერიკისთვის და ამერიკული ბიზნესისთვის“. რესპუბლიკელმა სენატორმა ლიზა მურკოვსკიმ განაცხადა, რომ ტარიფები არაა საჭირო და მათ სადამსჯელო და სერიოზული შეცდომა უწოდა. სენატორმა თქვა, რომ ისინი ევროპელ მოკავშირეებს შეერთებული შტატებისგან კიდევ უფრო დააშორებს. ევროკავშირის წევრი სახელმწიფოების...