ალექსანდრე საქანიას მოსკოვში 19 წელი მიუსაჯეს "რუსეთის მოხალისეთა კორპუსში" ხალხის გადაბირების ბრალდებით

მოსკოვის პროკურატურა, 30 წლის ალექსანდრე საქანიასთვის გამამტყუნებელი განაჩენის დადგომის შესახებ ინფორმაციას ავრცელებს, სასამართლომ მას 19 წლით თავისუფლების აღკვეთა მიუსაჯა. პირველი ხუთი წელი საქანიამ ციხეში უნდა გაატაროს, დანარჩენი კი - მკაცრი რეჟიმის კოლონიაში. გამოძიებლების ვერსიით, საქანია პირადად იცნობდა დენის კაპუსტინს, უკრაინის მხარეს მებრძოლი "რუსეთის მოხალისეთა კორპუსის" (რუსეთში ეს ორგანიზაცია ტერორისტულადაა აღიარებული) მეთაურს. ირწმუნებიან, რომ მას შემდეგ რაც საქანია დანაყოფს შეუერთდა, საქართველოში ყოფნისას ახალი წევრების გადაბირებას ცდილობდა. "2023 წლის დეკემბრიდან 2024 წლის თებერვლამდე საქანია საქართველოს ტერიტორიაზე საფილტრაციო პუნქტის ხელმძღვანელის პოსტს იკავებდა, დამოუკიდებლად იღებდა გადაწყვეტილებებს ორგანიზაციის საქმიანობაში მონაწილეობის მსურველი კანდიდატების შერჩევაზე, მათი შემოწმების, შემდგომი გადაბირების გზით. თავად ეძებდა და არწმუნებდა სხვებს "რუსეთის მოხალისეთა კორპუსში" გასაწავრიანებლად, ასევე აწყობდა შეხვედრებს აღნიშნული ტერორისტული ორგანიზაციის წარმომადგენლებთ...