„ახალგაზრდა იურისტთა ასოციაციის“ თავმჯდომარედ თამარ ონიანი აირჩიეს

თამარ ონიანი დღეს, 22 დეკემბერს აირჩიეს საია-ს გამგეობის წევრებმა ორგანიზაციის თავმჯდომარედ. ის ამ პოზიციაზე ჩაანაცვლეს ნონა ქურდოვანიძეს, რომელიც პოზიციას 2022 წლიდან იკავებდა. მანამდე „ახალგაზრდა იურისტთა ასოციაციის“ თავმჯდომარის პოზიცია ორი ვადით ეკავა ნიკოლოზ (ნიკა) სიმონიშვილს. რაც შეეხება ნონა ქურდოვანიძეს, - ის ორგანიზაციას სამი წლის განმავლობაში ხელმძღვანელობდა. საია-ს განმარტებით, წესდების შესაბამისად, აღარ ჰქონდა მორიგ კენჭისყრაში მონაწილეობის უფლება. „საიას გუნდი მადლიერია ნონა ქურდვანიძის მიერ გაწეული საქმიანობისთვის. მისი ლიდერობით ჩვენ რთულ პერიოდში შევძელით ადამიანის უფლებებისთვის ბრძოლა და განახლებული შემართებით გავაგრძელებთ მუშაობას“, - აცხადებს ორგანიზაცია. საია ის ერთ-ერთი ორგანიზაციაა, რომელიც წლებია, დასავლური ფონდების ფინანსური დახმარებით მუშაობს; იგი წლებია, იცავს არაერთი დემონსტრანტის თუ ჟურნალისტის უფლებებს. მათ შორის, წარმოადგენს „სახაროვის პრემიის“ მფლობელს, პატიმრობაში მყოფ მზია ამაღლობელის სტრასბურგის სასამართლოში მიმდინარე დავაში.