ადვოკატის თანახმად, გრიგოლ ლილუაშვილის ნათესავი ბიჭიკო პაიკიძე, რომელიც ესპანეთში დააკავეს, თავისუფალია

როგორც ირმა ჭკადუა ეუბნება რადიო თავისუფლებას, დამატებით დეტალებზე ინფორმაციას ის ბიჭიკო პაიკიძის ადგილობრივი ადვოკატისგან ელოდება. რადიო თავისუფლება ამ საკითხზე პროკურატურასთან დაკავშირებას ცდილობს. მანამდე, 19 დეკემბერს, უწყებაში დაადასტურეს, რომ საქართველოს მოთხოვნის საფუძველზე ესპანეთში დააკავეს ბრალდებული ბიზნესმენი ბიჭიკო პაიკიძე. როგორც პროკურატურის პრესსამსახურში აცხადებდნენ, მიმდინარეობდა ექსტრადიციისთვის საჭირო პროცედურები. სახელმწიფო უსაფრთხოების სამსახურის ყოფილი უფროსი, დიდი ოდენობით ქრთამის აღების ბრალდებით ამჟამად წინასწარ პატიმრობაში მყოფი გრიგოლ ლილუაშვილი ბიჭიკო პაიკიძის შვილის ნათლიაა. სუსში დაწყებული გამოძიების გამო, ბიჭიკო პაიკიძეზე ძებნა 24 სექტემბრიდანაა გამოცხადებული. მის წინააღმდეგ სისხლის სამართლის საქმის აღძვრამდე, მასზე საგამოძიებო მასალა მოამზადა „სტუდია მონიტორმა“. პაიკიძე ამ მასალაში მოხსენიებული იყო, როგორც „სუსის პროტეჟე“. სახელმწიფო უსაფრთხოების სამსახური აცხადებს, რომ იძიებენ ბიჭიკო პაიკიძის კომპანია B.P. TRANS-სა და ინფრასტრუქტურის სამინისტროს შო...