„ადგილობრივი მიწოდება ჩანაცვლდა იმპორტით - უნდა დავიცვათ ჩვენი ბაზარი“ - რატომ მცირდება რძის წარმოება

„რძის ნაწარმის ნაწილში იმპორტი ავსებს ბაზარს“, - ამის შესახებ მერძევეობის ასოციაციის თავმჯდომარემ, კომპანია „შირაქის“ დამფუძნებელმა ნიკოლოზ ბენიაიძემ „ბიზნესპრესნიუსთან“ რძის წარმოების გამოწვევებზე საუბრისას განაცხადა. როგორც რესპონდენტი აღნიშნავს, ქვეყანაში რძის წარმოება შემცირებულია, რაც რამდენიმე ძირითადი მიზეზით არის განპირობებული. კერძოდ, მისი თქმით, დაავადებების გამო შემცირდა მსხვილფეხა რქოსანი პირუტყვის სულადობა და შესაბამისად, წარმოებული რძის რაოდენობაც; ამასთანავე, საქონელი გადის ექსპორტზე, რაც გავლენას ახდენს ადგილობრივ წარმოებაზეც. ყოველივე აქედან გამომდინარე, საქართველოში მზარდი დინამიკით ხასიათდება როგორც რძის, ასევე მზა პროდუქტებისა და რძის ფხვნილის იმპორტი, რაც ადგილობრივი მწარმოებლებისთვის გამოწვევას წარმოადგენს. „რძის ნაწარმის ნაწილში იმპორტი ავსებს ბაზარს. ვნახეთ ჩვენ სტატისტიკიდანაც, რომ ძალიან ბევრი ხაჭო და ყველი შემოვიდა წელს, რძის ფხვნილის იმპორტი 4 წლის ჭრილში თითქმის გაორმაგებულია, აგრეთვე შემოდის მზა პროდუქტებიც. ადგილობრივი რძის წარმოება შემცირებულია რამდენ...