8 ადამიანი დაიღუპა ოდესაში, რუსების ნასროლი ბალისტიკური რაკეტების დარტყმის გამო

„ოდესის ოლქში მტრის თავდასხმას რვა ადამიანის სიცოცხლე შეეწირა, ხოლო კიდევ 27 ადამიანი დაშავდა. ზოგიერთი მათგანი ავტობუსში იმყოფებოდა, რომელიც იმ დროს დარტყმის ეპიცენტრში იყო“, - განაცხადეს მაშველებმა. მათივე თქმით, დაზიანდა მსუბუქი ავტომობილები და ცეცხლი გაუჩნდა სატვირთოებს. თითქმის ოთხი წელია რუსეთი უკრაინის ტერიტორიაზე სრულმასტაბიან ომს აწარმოებს. ამ დროის განმავლობაში ათი ათასობით ადამიანი დაიღუპა.