5 ჟურნალისტის 2025

„გადაღებაზე ვარ, როგორც კი რედაქციაში დავბრუნდები, მოგწერ“ - ეს ტვ პირველის გამომძიებელი ჟურნალისტი, მაკა ჩიხლაძეა. „უფრო დღის ბოლოს, სასამართლოებს რომ მოვრჩები“, - ეს ნინა ბაიდაური, „ნეტგაზეთიდან“. „ორზე რესპონდენტს ვწერ და თუ არ გიგვიანდება, მერე იყოს“, - ეს მანანა ქველიაშვილია, „ბათუმელების“ ჟურნალისტი. მინდია გაბაძესთან, „პუბლიკის“ ფოტორეპორტიორთან, ინტერვიუზე საღამოს ხუთზე შევთანხმდით: „ვერ ვასწრებ, რედაქციაში ვბრუნდები, მასალა მაქვს ასაწყობი. გვიან აქციაზე გავდივარ, გადაღებაზე და იქ მოვახერხებ“, - მწერს მინდია. „აქციამდე ცოტა ხნით ადრე შევძლებ, შენთვის თუ გვიანი არ იქნება“, - მარიამ ნიკურაძე, ჟურნალისტი და OC მედიას თანადამფუძნებელი და დირექტორი. 2025-მა წელმა, უფრო ზუსტად კი იმ მოვლენებმა, რომლებიც ბოლო ერთი წელია საქართველოში ვითარდება, ძალიან ცოტა დრო დატოვა ამოსუნთქვისთვის - შეცვლილი კანონები, დაწესებული შეზღუდვები, საპროტესტო აქციები, ამ აქციებისას დაკავებულები, სასამართლოები, განაჩენები - ეს ჯაჭვი ყოველდღიურ რუტინად იქცა იმ ადამიანებისათვის, რომლებიც წელიწადზე მეტია აპ...