4 ოქტომბრის საქმის მოსამართლეები - ვის ვიცნობთ და როგორ გავიცანით?

ამ საქმეზე 65 ადამიანია ბრალდებული, ამიტომ პროკურატურამ ბრალდებულები ხუთ ჯგუფად დაყო. ეს ჯგუფები მინიმუმ 10 და მაქსიმუმ 15 ბრალდებულს აერთიანებს. ამ საქმის მოსამართლეებიდან ხუთივეს ერთხელ მაინც განუხილავს პროევროპული აქციების მონაწილეებთან დაკავშირებული საქმეები. მათგან ორს, რომეო ტყეშელაშვილს და თამარ მჭედლიშვილს კი განაჩენებიც გამოუცხადებია. 4 ოქტომბრის ადგილობრივ არჩევნებს ოპოზიციური პარტიებისა და მათი მხარდამჭერების დიდმა ნაწილმა ბოიკოტი გამოუცხადა და ხელისუფლების „მშვიდობიანი დამხობის“ მოწოდებით, თბილისში თავისუფლების მოედანზე შეიკრიბა. ხალხმრავალი საპროტესტო აქციიდან დემონსტრანტთა ერთი ჯგუფის მცდელობა „გადაებარებინათ პრეზიდენტის სასახლის გასაღები“, ათონელის რეზიდენციის „ჯებირების“ გარღვევით და სპეცრაზმთან დაპირისპირებით დასრულდა. გამოძიება რამდენიმე, მათ შორის, კონსტიტუციური წყობილების ძალადობით შეცვლისაკენ ან ხელისუფლების დამხობისაკენ მოწოდების და სტრატეგიული ობიექტის ხელში ჩაგდების მუხლებით დაიწყო. ამ საქმეზე 4 ოქტომბრიდან რამდენიმე დღეში პროკურატურამ 65 ადამიანი დააპატიმრ...