4 ოქტომბრის საქმეზე დაკავებულთა სასამართლო

12:09 - შესავალ სიტყვას ამბობს მამუკა ლაბუჩიძის ადვოკატი აიჰან ჰასანლი. მისი დაცვის ქვეშ მყოფს ბრალად ედება ორგანიზებულ ჯგუფურ ძალადობაში მონაწილეობა და სტრატეგიული ობიექტის ხელში ჩაგდების მცდელობას. მისი თქმით, კითხვებზე პასუხი საქმეში წარმოდგენილმა მტკიცებულებებმა უნდა გასცეს. „საქმე 38 ტომია, თუმცა ხელოვნურადაა გაბერილი, ჩემი დაცვის ქვეშ მყოფის შესახებ 40 გვერდია და აქედან უმრავლესობა ეხება იმას, როგორი კანონმორჩილი მოქალაქეა ჩემი დაცვის ქვეშ მყოფი... ... მამუკა ლაბუჩიძის ვიდეო დაცვის სტრატეგიას უფრო შეესაბამება, ვიდრე წარდგენილ ბრალდებას... საქმეში წარმოდგენილი მტკიცებულებებით არ დასტურდება ორგანიზებული მოქმედების სურვილი, ერთად მოქმედება, კოორდინირებული მოქმედება, ფიზიკური შეხება... ის ინდივიდუალურად მოქმედებს და ეს გამორიცხავს ორგანიზებულ დანაშაულს. ერთი ფურცელიც არაა წარმოდგენილი, რომელიც ვინმესთან კომუნიკაციას ადასტურებს... არ არსებობს მტკიცებულება, რომ მამუკა ლაბუჩიძე 64 ბრალდებულიდან რომელიმეს იცნობს“.