4 ოქტომბრის საქმე: რა თქვეს სასამართლოში მურთაზ ზოდელავამ, ირაკლი ნადირაძემ და პაატა მანჯგალაძემ

დღეს, 8 იანვარს, თბილისის საქალაქო სასამართლოში, 4 ოქტომბრის ე.წ. მშვიდობიანი დამხობის საქმეზე ჯგუფური ძალადობის ორგანიზების ბრალდებით დაკავებულების სხდომაზე, განცხადებები გააკეთეს საქმის ფიგურანტებმა. „სტრატეგია აღმაშენებლის“ ერთ-ერთმა ლიდერმა პაატა მანჯგალაძემ ისაუბრა იმ ვიდეოზე, რომელიც „4 ოქტომბრის საორგანიზაციო კომიტეტის“ სახელით გავრცელდა აქციის დაწყებამდე - რაც მტკიცებულების სახით ჰქონდა წარდგენილი სხდომაზე პროკურატურას. სხდომას არ დასწრებია „საორგანიზაციო კომიტეტის“ წევრი, საოპერო მომღერალი პაატა ბურჭულაძე. „დაკითხულიც კი არ ვარ ამ თემასთან დაკავშირებით, არავის უკითხავს, მინდა გამოძიებამაც იცოდეს, რომ ეს ვიდეო არ ნიშნავს, რომ წინასწარი განზრახვით შევიკრიბეთ, დავგეგმეთ. ეს ვიდეო 4-შია ჩაწერილი, ჟურნალისტებმა მთხოვეს კომენტარის გაკეთება, ყველა იქ იყო მისული და იქ ჯობდა მივსულიყავი. კონკრეტულ მონაკვეთში რომ არ მოვხვედრილიყავი იქ, ეს ვიდეო არ იქნებოდა", - თქვა პაატა მანჯგალაძემ. მისი სიტყვებით, პროფესიით იურისტია, შესაბამისად, მისი თქმით, წინასწარი ორგანიზებისთვის საჭიროა წინასწა...