2025 წლის დეკემბერში წლიური ინფლაცია 4% იყო

საქართველოს სტატისტიკის ეროვნული სამსახურის (საქსტატი) მიერ 5 იანვარს გამოქვეყნებული მონაცემებით, 2025 წლის დეკემბერში წლიური ინფლაცია 4% იყო, წინა თვესთან შედარებით კი – სამომხმარებლო ფასები 0.2%-ით შემცირდა. წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები (8.8%-იანი ზრდა); ჯანმრთელობის დაცვა (7%-იანი ზრდა); ალკოჰოლური სასმელები, თამბაქო (4.4%-იანი ზრდა). ფასები შემცირდა კავშირგაბმულობისა (4.7%-იანი კლება), ავეჯი, საოჯახო ნივთები, სახლის მოვლა (1.6%-იანი კლება) და დასვენება, გართობა და კულტურის (1.6%-იანი კლება) ჯგუფებზე. რაც შეეხება ყოველთვიურ ინფლაციას, აქ ფასების ჩამოყალიბებაზე ძირითადი გავლენა შემდეგ ჯგუფებზე ფასების ცვლილებამ იქონია: ტანსაცმელი და ფეხსაცმელი (1.9%-იანი კლება); საცხოვრებელი, წყალი, ელ.ენერგია, აირი (0.4%-იანი კლება) და ტრანსპორტი (0.3%-იანი კლება). ამასთან, ფასები გაიზარდა ჯანმრთელობის დაცვისა (0.5%) და ალკოჰოლური სასმელებისა და თამბაქოს (0.4%) ჯგუფებზე. რაც შეეხება სურსათისა და უალკო...