2025 წლის 5 ინოვაციური ტექნოლოგია, რომელიც მსოფლიოზე რეალურ გავლენას მოახდენს - Forbes -ის რეკომენდაციები

“ინოვაცია არ უნდა განისაზღვროს ფუტურისტული დაპირებებით, არამედ ტექნოლოგიებით, რომლებიც ყოველდღიურ პირობებში მუშაობას შეძლებენ,“ - წერს Forbes-ი და აღნიშნავს, რომ მნიშვნელოვანია ისეთი ტექნოლოგიური მიღწევების განვითარება, რომელიც რეალურ პრობლემებს მარტივად გადაჭრის. ეს შეიძლება იყოს კატასტროფებისადმი მდგრადობისა და ენერგიის ხელმისაწვდომობის, ან თუნდაც საკვების წარმოებისა და ჯანდაცვის სფეროები. გამოცემამ წარმოადგინა 2025 წელს გასაჯაროებული 5 ტექნოლოგია, რომლებსაც აქვთ დიდი პოტენციალი, შეცვალონ არა მხოლოდ 2026 წელი, არამედ კაცობრიობის მომავალიც: 1. HMD OffGrid -ტექნოლოგია, რომელიც ნებისმიერ ტელეფონს სასიცოცხლო ხაზად აქცევს. სმარტფონების უმეტესობა უსარგებლო ხდება, როდესაც გადამცემი ანძები არ მუშაობენ ან სიხშირეს კარგავენ, თუმცა HMD-ის OffGrid-ის აქსესუარი ამას ცვლის. მათი ადაპტერი საშუალებას აძლევს ნებისმიერ iPhone-ს ან Android მოწყობილობას გაგზავნოს ტექსტური შეტყობინებები და დაუკავშირდეს სასწრაფო დახმარების სამსახურებს თანამგზავრული ქსელების საშუალებით. შესაბამისად, თუ მიუწვდომელ ადგი...