2025 წლის 12 მნიშვნელოვანი ამბავი

2025 წლის ნოემბერში ევროკავშირში განაცხადეს, რომ - „საქართველოს ევროკავშირის კანდიდატის მხოლოდ სახელი დარჩა“; ხოლო დეკემბრის ანგარიშით - “საქართველოს ევროკავშირში გაწევრიანების პროცესი ფაქტობრივად ჩიხში შევიდა” მანამდე, ვიდრე - “ხელისუფლება გამოავლენს მტკიცე ერთგულებას კურსის შეცვლის მიმართ და ევროკავშირში გაწევრიანების გზას დაუბრუნდება“. „[ვაკვირდებით] სერიოზულ ზოგად უკუსვლას დემოკრატიის, ადამიანის უფლებებისა და კანონის უზენაესობის სფეროებში“, – აღნიშნულია საქართველოს შესახებ ევროკავშირის გაფართოებასთან დაკავშირებულ დოკუმენტში, რომელიც ევროკავშირის საბჭომ 2025 წლის 16 დეკემბერს გამოაქვეყნა. ამ დოკუმენტს მხოლოდ უნგრეთმა არ დაუჭირა მხარი. ევროკავშირის საბჭო საქართველოს მოუწოდებს, მათ შორის - „გაათავისუფლოს ყველა უსაფუძვლოდ დაკავებული“ ადამიანი და „გააუქმოს რეპრესიული კანონმდებლობა“. ჩამონათვალში ხაზგასმულია, ასევე სასამართლო სისტემის პოლიტიკურ იარაღად გამოყენება, ოპოზიციის ლიდერების დევნა თუ პროტესტის მონაწილეების და ჟურნალისტების უსაფუძვლო დაპატიმრება. 2025 წელს კიდევ უფრო კონფრონტა...