2025 წელს საქართველოში თითქმის 7 მილიონი საერთაშორისო ვიზიტი განხორციელდა, რომელთა უმეტესობა რუსეთიდან იყო

ტურიზმის ეროვნული ადმინისტრაციის მიერ ცოტა ხნის წინ გამოქვეყნებული მონაცემების თანახმად, 2025 წელს საქართველოში 6 856 809 საერთაშორისო ვიზიტი განხორციელდა, რაც 2024 წელთან შედარებით 6.2%-ით მეტია. საერთაშორისო ვიზიტების რაოდენობით რუსეთი ლიდერობს 1,579,764 ვიზიტით, რაც მთლიანი ვიზიტების 23%-ს შეადგენს და 2024 წელთან შედარებით 11%-ით მეტია. იმავდროულად, ტურიზმის ადმინისტრაციის მონაცემებით, ევროკავშირის ქვეყნებიდან და გაერთიანებული სამეფოდან ვიზიტებმა 499 890-ს მიაღწია, რაც „რეკორდული“ მაჩვენებელია. მათ ყველა საერთაშორისო ვიზიტის 7.2% შეადგინა და და 2024 წელთან შედარებით 14%-ით მეტია. საერთაშორისო ვიზიტები მოიცავს ტურისტულ ვიზიტებს და ერთდღიან ვიზიტებს. სულ 5 521 866 (80.5%) ტურისტული ვიზიტი განხორციელდა, რაც იმას ნიშნავს, რომ ვიზიტორები საქართველოში მინიმუმ ერთი ღამით დარჩნენ. ტურიზმის ეროვნული ადმინისტრაციის ცნობით, ტურისტული ვიზიტები 2024 წელთან შედარებით 8.4%-ით გაიზარდა და „ისტორიულ მაქსიმუმს“ მიაღწია. დარჩენილი 19.5% (1 334 943) ერთდღიანი ვიზიტი იყო, რაც იმას ნიშნავს, რომ ვიზ...