2025 წელი - "ოცნება" ყოფილი ერთგული მაღალჩინოსნების წინააღმდეგ

„ოცნების“ მიერ ერთ დროს გამორჩეულად ნაქებ და ერთსულოვნად მხარდაჭერილ ყოფილ მაღალჩინოსნებს ბრალი ედებათ კორუფციაში, ფულის გათეთრებაში, თანამდებობის ბოროტად გამოყენებასა თუ მკვლელობის შეკვეთაში. მმართველი პარტიისთვის ეს პროცესი დანაშაულთან უკომპრომისო და განურჩეველი ბრძოლის მაგალითია, კორუფციის მკვლევრებისა თუ გამომძიებელი ჟურნალისტებისთვის კი - მათ მიერ წლების განმავლობაში მხილებული იმ ფაქტების დადასტურება, რასაც „ოცნება“ მუდმივად, დაჟინებით და კოლექტიურად უარყოფდა. ყოფილი თანამდებობის პირების გარდა, პასუხისგებაში არიან მიცემული მათი გარემოცვის წევრები, ნათესავები თუ ბიზნესმენები, რომლებიც, გამოძიების მასალების მიხედვით, საეჭვო კორუფციულ გარიგებებში მონაწილეობდნენ. ამ სტატიაში გადავხედავთ - ვინ დაეცა "ქართული ოცნების" კორუფციასა და სხვა დანაშაულთან ბრძოლის ველზე, ვინ გადარჩა და ვინ არის შემდეგი? 2025 წლის 22 ოქტომბერს სახელმწიფო უსაფრთხოების სამსახურმა გამოაცხადა, რომ “ქართული ოცნების” გუნდის ორგზის პრემიერ-მინისტრმა, ყოფილმა შს მინისტრმა და თავდაცვის მინისტრმა ირაკლი ღარიბაშვილმა უ...