ქვეყანაში საკვები და სასმელი პროდუქტების ყველაზე მსხვილ იმპორტიორებს შორის 2 რითეილ სექტორია. საუბარია, მიმდინარე წლის იანვარ-ოქტომბრის მონაცემებზე, რომელიც „ბიზნესპრესნიუსმა“ საქსტატიდან გამოითხოვა, ტოპ-10 კომპანიას შორის კი, ორი მაღაზიათა ქსელია. ამასთან, აღსანიშნავია ისიც, რომ საანგარიშო პერიოდში საკვები და სასმელი პროდუქტების იმპორტის მოცულობამ მაქსიმუმს, 1.7 მლრდ ლარს გადააჭარბა. უფრო კონკრეტულად, წელს 10 თვეში ქვეყანაში 1.721 მლრდ ლარზე მეტი მოცულობის პროდუქტები შემოვიდა, რაც 2009 წლიდან ( საგარეო ვაჭრობის პორტალზე ამ პერიოდიდან არის გამოქვეყნებული), მაქსიმალური მაჩვენებელია. მეტი მოგება თუ ფასების შემცირება - რატომ ხდებიან მაღაზიათა ქსელები პროდუქტების იმპორტიორები? - „ბიზნესპრესნიუსი“ რითეილ ექსპერტს მირანდა მანჯგალაძეს ესაუბრა. მისი თქმით, ასეთ დროს ღირებულებათა ჯაჭვიდან ვარდება დისტრიბუტორი, შესაბამისად, ერთის მხრივ მომხმარებელი პროდუქტს შედარებით დაბალ ფასში იღებს, თუმცა უფრო დიდი მოგება მაღაზიას რჩება. „ღირებულებათა ჯაჭვში არის მწარმოებელი, დისტრიბუტორი, მომწოდებელი, საც...