საქართველოში ბოლო 10 წლის განმავლობაში ხორბლის სასურსათო მოხმარება 11%-ით შემცირდა. სტატისტიკის ეროვნული სამსახურის მონაცემებით, 2024 წელს საკვებად 546 ათასი ტონა ხორბლის გამოყენება მოხდა, მაშინ როდესაც 2014 წელს ეს მაჩვენებელი 640 ათას ტონას შეადგენდა. აღსანიშნავია, რომ ბოლო 10-წლიან პერიოდში ქვეყანაში ყველაზე დიდი რაოდენობით სასურსათო ხორბალი საქართველოში 2020 წელს მოიხმარეს - 643 ათასი ტონა. „ბიზნესპრესნიუსი“ გთავაზობთ, როგორი იყო სასურსათო ხორბლის მოხმარების მაჩვენებელი 2015-2024 წლებში: რაც შეეხება წარმოებას, საქსტატის ცნობით, 10-წლიან პერიოდში 18.2%-ით გაიზარდა. თუ 2015 წელს ქვეყანაში 126 ათასი ტონა ხორბალი აწარმოვეს, 2024 წელს ამ მაჩვენებელმა 149 ათასი ტონა შეადგინა. ამავე საანგარიშო პერიოდში 649 ათასი ტონიდა, 546 ათას ტონამდე შემცირდა ხორბლის იმპორტი.