10 დეკემბერს, პარლამენტი 2026 წლის სახელმწიფო ბიუჯეტის პროექტის საბოლოო ვარიანტს განიხილავს და უყრის კენჭს. ფინანსურ დოკუმენტს სესიაზე ფინანსთა მინისტრი ლაშა ხუციშვილი წარადგენს. 2026 წლის ბიუჯეტის პროექტის თანახმად, რეალური ეკონომიკური ზრდა დაგეგმილია 5.0%-ის ოდენობით, ხოლო საშუალოვადიან პერიოდში რეალური ეკონომიკური ზრდის პროგნოზი 5.3%-ს შეადგენს. მშპ-ის დეფლატორის პროგნოზი 4.1%-ს შეადგენს, ხოლო მომდევნო წლებში აღნიშნული მაჩვენებელი 3.0%-ია. საშუალო ინფლაციის პროგნოზი 3.3%-ს შეადგენს, ხოლო საშუალოვადიან პერიოდში მიზნობრივი მაჩვენებლის ფარგლებშია - 3%. ნომინალური მშპ-ის პროგნოზი განსაზღვრულია 114,1 მილიარდი ლარის ოდენობით, ხოლო 2029 წლისთვის პროგნოზირებულია ნომინალური მთლიანი შიდა პროდუქტის ზრდა -145,5 მილიარდ ლარამდე. ნაერთი ბიუჯეტის საგადასახადო შემოსავლები 27.4 მილიარდი ლარია, რაც პროექტის წინა ვერსიასთან შედარებით, 240.0 მილიონი ლარით მეტია. ბიუჯეტის დეფიციტი შენარჩუნებული მშპ-ის 2.5%-ს დონეზე, ხოლო მთავრობის ვალის მაჩვენებელი მცირდება მშპ-ის 33.5%-მდე. აღნიშნული მაჩვენებლებიდან...