რუსთაველის გამზირზე შეკრებილმა მოქალაქეებმა საპროტესო მსვლელობა დაიწყეს. „საქართველო ადექი, აჯანყდი", „უნდა გქონდეთ შიში დიდი, რომ მოგკლავენ ციანიდით", - სკანდირებენ ისინი. დემონსტრანტების თქმით, მსვლელობის პროცესში ადგილობრივებს შეძახილებით უნდა გააგებინონ, რომ ერთი წლის წინ „ქართულმა ოცნებამ" ისინი მოწამლა. უწყვეტი პროტესტის 377-ე დღეს მოქალაქეები საკანონმდებლო ორგანოსთან უცვლელი მოთხოვნებით შეიკრიბნენ - დაინიშნოს ახალი საპარლამენტო არჩევნები და გათავისუფლდნენ აქციების ფარგლებში დაკავებული პირები.