„საქართველოს ბიზნეს ასოციაციამ“ კომპანია UGT-თან თანამშრომლობით, თანამედროვე ტექნოლოგიების გავლენასა და ბიზნესის ტრანსფორმაციის შესაძლებლობებზე ერთობლივი კონფერენცია გამართეს. „საქართველოს ბიზნეს ასოციაციის“ ინფორმაციით, ღონისძიება მიზნად ისახავდა იმ ინოვაციური ტენდენციების განხილვას, რომლებიც დღეს ბიზნესის ზრდისა და განვითარების ახალ მოდელებს მოიცავს. მათივე ცნობით, დისკუსიის ფარგლებში, განსაკუთრებული ყურადღება გამახვილდა ხელოვნური ინტელექტის როლზე ბიზნესის ტრანსფორმაციაში, თუ როგორ ცვლის ხელოვნური ინტელექტი (AI) ბიზნესის მართვის მოდელებს, როგორ გარდაქმნის გადაწყვეტილების მიღების პროცესს და როგორ ქმნის ახალ სტანდარტებს პროდუქტიულობისა და ეფექტიანობისთვის. მონაწილეებმა ხაზი გაუსვეს, რომ ორგანიზაციები, რომლებიც დროულად იღებენ მონაცემებზე დაფუძნებულ მიდგომებსა და ინოვაციურ ტექნოლოგიებს, მნიშვნელოვნად აუმჯობესებენ ოპერაციულ შედეგებს და ქმნიან სტრატეგიულ უპირატესობას ბაზარზე. როგორც „საქართველოს ბიზნეს ასოციაციის“ IT კომიტეტის თავმჯდომარემ და UGT ჯგუფის გენერალური დირექტორის პირველმა მო...