ოკუპირებულ აფხაზეთში ენგურზე მშენებარე საბაჟო ტერმინალის მიზნების შესახებ ისაუბრეს, - ამის შესახებ „ეხო კავკაზა“ სტატიას აქვეყნებს. გამოცემის ცნობით, სატრანზიტო პროექტის მიზნების, პერსპექტივებისა და გეოპოლიტიკური კონტექსტის შესახებ ე.წ. სატრანზიტო და ლოჯისტიკური კომპანიის აღმასრულებელმა დირექტორმა, ასტამურ ახსალბამ ისაუბრა და აღნიშნა, რომ ტერმინალის სამშენებლო სამუშაოების დაახლოებით 80% უკვე დასრულებულია. „სამშენებლო სამუშაოები თითქმის დასრულებულია და სოხუმი „ჰიპოთეტურად მზადაა“ ტვირთების ტრანზიტის დასაწყებად. თბილისი კი დუმს. „ენგურის საკონტროლო-გამშვებ პუნქტზე“ სატვირთო ტერმინალის მშენებლობა დიდი ხნის განმავლობაში გასაიდუმლოებულ პროექტად რჩებოდა. მის შესახებ ოფიციალური კომენტარი არც სოხუმს, არც მოსკოვს და არც თბილისს არ გაუკეთებიათ“, - წერს გამოცემა. ე.წ. სატრანზიტო და ლოჯისტიკური კომპანიის აღმასრულებელმა დირექტორმა, ასტამურ ახსალბამ განაცხადა, რომ „პროექტის შესახებ ინფორმაცია რთული გეოპოლიტიკური ვითარების მიზეზით განზრახ იყო დამალული“. „მახლობლად ომი მიმდინარეობს, მთელი დასავლეთ...