ევროს, როგორც ევროკავშირის ერთიანი ვალუტის მიმართ საზოგადოების მხარდაჭერა კვლავ ძლიერია. კერძოდ, გამოკითხული რესპონდენტების 79% მიიჩნევს, რომ ევრო ევროკავშირისთვის მომგებიანია, რაც 2024 წლის გამოკითხვის შედეგებს შეესაბამება. რესპონდენტთა აბსოლუტური უმრავლესობა, ანუ 70%, ასევე, მიიჩნევს, რომ ეს მომგებიანია მათი ქვეყნისთვისაც. ამის შესახებ ევროკავშირის საზოგადოებრივი აზრის კვლევის სააგენტო Eurobarometer-ის მიერ ჩატარებული გამოკითხვის შედეგებში წერია. ევროზონის რესპონდენტთა უმეტესობა მიიჩნევს, რომ ევრომ მოგზაურობა უფრო მარტივი და იაფი გახადა. ათიდან, დაახლოებით, რვა რესპონდენტი აცხადებს, რომ ევრომ ევროზონის ქვეყნებში, მათ შორის, ონლაინ-შოპინგის დროს ფასების შედარება გაამარტივა. ამასთან, კვლევამ აღდგენისა და მდგრადობის ფონდის მხარდაჭერის მაღალი დონე აჩვენა, რომელიც ევროკომისიის პოსტპანდემიური პროგრამის, NextGenerationEU-ს ფუნდამენტური ინსტრუმენტია და რომლის მიზანიც წევრი სახელმწიფოების აღდგენისა და ეკონომიკური ზრდის მხარდაჭერა, ასევე, მწვანე ეკონომიკასა და ციფრულ ტექნოლოგიებზე გადასვლის...