„ზანგეზურის დერეფანი“ აზერბაიჯანი-საქართველოს კონტექსტში კონკურენტია, მაგრამ დიდ სურათში ურთიერთშემავსებელი შესაძლოა, იყო“, - ამის შესახებ „სატრანსპორტო დერეფნის კვლევის ცენტრის“ ხელმძღვანელმა პაატა ცაგარეიშვილმა „ბიზნესპრესნიუსთან“ განაცხადა. ინფორმაციისთვის, „ზანგეზურის დერეფნის“ მშენებლობის დასრულების თარიღად თურქეთის ტრანსპორტისა და ინფრასტრუქტურის მინისტრმა 2030 წელი დაასახელა. მანვე განაცხადა, რომ „ზანგეზურის დერეფანი“ მნიშვნელოვან წვლილს შეიტანს შუა დერეფნის გამტარუნარიანობის გაზრდაში. „დიდ სურათში რომ წარმოვიდგინოთ, თუ ჩინეთიდან და ყაზახეთიდან ტვირთი მოდის და ჩვენი პორტების გავლით მიდის ევროპის მიმართულებით, მაშინ, „ზანგეზურის დერეფანი“ გააძლიერებს საქართველოს დერეფნებს და შესაძლებლობა იქნება საქართველოსთვის. მაგრამ, თუ მაგალითად, აზერბაიჯანისა და სომხეთის ტვირთები გაჩნდება, „ზანგეზურის დერეფანი“ კონკურენტი იქნება საქართველოს დერეფნისთვის. თუნდაც ავიღოთ, „ზანგეზურის დერეფნის“ სიახლოვეს მდებარე სპილენძ-მოლიბდენის კომბინატი, ეს კომბინატი დიდი დატვირთვით მუშაობს და 200 ათას ტონა...