"თბილისი ბაქოს მოთმინების ზღვარს ცდის" - ამ სათაურით სტატიას აზერბაიჯანული მედია Minival.az აქვეყნებს. აზერბაიჯანული მედია წერს, რომ ვითარება კვლავ დაძაბული რჩება საქართველოს საზღვარზე, სადაც აზერბაიჯანელი მძღოლები სისტემურ შეფერხებებს აწყდებიან. როგორც სტატიაშია ნათქვამი, ეს დაკავშირებული არა ცალკეულ ბიუროკრატიულ ხარვეზებთან, არამედ ქართული მხარის პოლიტიკურ ნებასთანაა. გამოცემა წერს, რომ საქართველო, ქვეყანა, რომელიც თანამედროვე ისტორიის კრიტიკულ პერიოდებში აზერბაიჯანის მხარდაჭერაზე იყო დამოკიდებული, ახლა ავლენს ქცევის ისეთ ნიმუშს, რომელიც მის გრძელვადიან ინტერესებს ეწინააღმდეგება. "ბოლო თვეების განმავლობაში ბაქოსა და თბილისს შორის ურთიერთობებში შემაშფოთებელი ცვლილება შეინიშნება, რაც არა ცალკეული ბიუროკრატიული ხარვეზების, არამედ მთელი რიგი გადაწყვეტილებების შედეგია, რომლებიც საქართველოს პოლიტიკური ლოგიკის ცვლილებაზე მიანიშნებს. როგორც Minval Politika-მ უკვე აღნიშნა, საქართველოს საზღვარზე სიტუაცია კვლავ დაძაბულია: სექტემბრიდან აზერბაიჯანელი მძღოლები სისტემატურ შეფერხებებს აწყდებიან....